ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Կիպրոսի Հանրապետության պաշտպանության նախարար Սավաս Անգելիդիսի գլխավորած պատվիրակությունն այցելել է Հայրենիքի պաշտպանի վերականգնողական կենտրոն:

«Արմենպրես»-ի հաղորդմամբ՝ այս մասին իր «Ֆեյսբուքի» էջում գրառում է կատարել Երևանի պետական բժշկական համալսարանի ռեկտոր Արմեն Մուրադյանը:

«Կիպրոսի նախարարը տպավորված էր, վստահեցրեց՝ ակտիվ համագործակցելու են Կենտրոնի հետ»,-նշված է ռեկտորի գրառման մեջ:

Հայրենիքի պաշտպանի վերականգնողական կենտրոն այցելության ժամանակ Կիպրոսից ժամանած պատվիրակությանն ուղեկցում էր ՀՀ պաշտպանության նախարարի տեղակալ Գաբրիել Բալայանը:

«Հերացի» թիվ 1 համալսարանական հիվանդանոցային համալիրի մասնաշենքում տեղավորված վերականգնողական կենտրոնը շահագործման է հանձնվել 2018 թվականի հունվարի 29-ին: