1000х90.jpg (78 KB)

Երևանում՝ 11:07,   28 Մարտ 2024

Կառավարությունը քննարկում է առանց մեղադրական դատավճռի ապօրինի ձեռք բերված գույքի բռնագանձման մեխանիզմը

Կառավարությունը քննարկում է առանց մեղադրական դատավճռի ապօրինի ձեռք 
բերված գույքի բռնագանձման մեխանիզմը

ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Հայաստանի Հանրապետության կառավարությունը քննարկում է առանց մեղադրական դատավճռի ապօրինի ձեռք բերված գույքի նկատմամբ բռնագանձում տարածելու մեխանիզմը: «Արմենպրես»-ի փոխանցմամբ՝ այս մասին փետրվարի 13-ին Ազգային ժողովում կառավարության ծրագրի քննարկման ընթացքում ասաց ՀՀ վարչապետ Նիկոլ Փաշինյանը` պատասխանելով ԱԺ «Իմ քայլը» խմբակցության պատգամավոր Սոֆյա Հովսեփյանի հարցին:

«Կա հարց երկրից և ժողովրդից գողացված գումարների վերադարձի հետ կապված, և հիմա կառավարությունը քննարկում է առանց մեղադրական դատավճռի գույքի նկատմամբ բռնագանձում տարածելու մեխանիզմը: Այս անվանումը կարող է տարօրինակ թվալ, բայց մենք հիմնավորում ունենք, որ Մարդու իրավունքների եվրոպական դատարանի դիրքորոշումներում սա համարվում է որպես նորմալ պրակտիկա կոռուպցիայի դեմ պայքարում, այսինքն սա չի համարվում մարդու իրավունքների սահմանափակում»,- ասաց վարչապետը:

Նիկոլ Փաշինյանի խոսքով՝ այս մեխանիզմն անցումային արդարադատության մասերից մեկն է:

«Այս դեպքում չի գործում անմեղության կանխավարկածը, գործում է կոպիտ ասած մեղավորության կանխավարկածը: Եթե մարդը չի կարողանում ապացուցել, որ այդ գույքը ձեռք է բերվել օրինական ճանապարհով, ապա այդ գույքի ձեռքբերումը համարվում է ապօրինի»,- նշեց Փաշինյանը:

Վարչապետի խոսքով՝ պետական կառավարման համակարգում այս խնդրի հետ կապված դիմադրություններ են առաջանում, որ այս գործն առաջ չգնա, բայց այն իրագործվելու է:

 

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]