«Լոռի» ֆուտբոլային ակումբը մեկնել է Թուրքիա
10:11, 12 Փետրվար 2019
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Վանաձորի «Լոռին» փետրվարի 12-ին մեկնեց Անթալիա՝ 13-օրյա ուսումնամարզական հավաք անցկացնելու:
«Արմենպրես»-ի հաղորդմամբ` թիմը կբնակվի Miracle հյուրանոցում եւ Անթալիայում կանցկացնի 4 ընկերական հանդիպում: Փետրվարի 15-ին «Լոռի»-ի մրցակիցը կլինի Դանիայի Առաջին լիգան ներկայացնող «Ֆրեմադ Ամագեր» թիմը:
Փետրվարի 18-ին կհանդիպի ԲԿՄԱ-ի Մ21 տարեկանների թիմի հետ: 2 օր անց կխաղա ղազախական «Կայրաթի» դեմ: Եվս մեկ հանդիպում ծրագրված է փետրվարի 23-ին: Մրցակիցը հայտնի կդառնա ավելի ուշ:
Անթալիայում «Լոռիին» կմիանան մի շարք նորեկներ եւ փորձաշրջան անցնող ֆուտբոլիստներ: Եվս մի քանիսը Երեւան կժամանեն փետրվարի 25-ից հետո եւ, բուժզննում անցնելով, պայմանագիր կստորագրեն ակումբի հետ:
Բաժանորդագրվեք մեր ալիքին Telegram-ում