Փետրվարի 12-ին սպասվող իրադարձությունները
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ փետրվարի 12-ին, կմեկնարկի Ազգային ժողովի նիստը՝ օրակարգում կառավարության ծրագիրն է:
Երևանում կանցկացվի «Տեղեկատվության ազատությունը Հայաստանում. 16 տարվա փորձառություն» թեմայով աշխատաժողով: Կմասնակցի ՀՀ արդարադատության նախարարի տեղակալ Սուրեն Քրմոյանը:
Հայաստանի գործընկերների հետ հարկային ոլորտի խնդիրները կքննարկեն Մակեդոնիայից, Սլովակիայից, Վրաստանից և Գերմանիայից Երևան ժամանած մասնագետները: Համաժողովին հրավիրված են պետական կառույցների ներկայացուցիչներ:
Հրավիրված մամուլի ասուլիսում ներտնային գազասպասարկան ոլորտում առկա հիմնախնդիրներին կանդրադառնան «Էկոնոմգազսերվիս» ՍՊԸ հիմնադիր տնօրեն Դանիել Զաքարյանը և փաստաբան Արսեն Թարվերդյանը:
Այսօր արձակագիր, կինոսցենարիստ Հրանտ Մաթեւոսյանի ծննդյան օրն է: Օրվա առթիվ նախատեսված են մի շարք միջոցառումներ: Գրողների միությունը կազմակերպել է այց Կոմիտասի անվան զբոսայգու պանթեոն:
Մարզական անցուդարձից: Մամուլի ասուլիսով հանդես կգա Հայաստանի ֆուտբոլի ֆեդերացիայի տեխնիկական տնօրեն Խինես Մելենդեսը:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Փետրվարի 11-ին սպասվող իրադարձություններըԲաժանորդագրվեք մեր ալիքին Telegram-ում