Պատգամավորը հայտնում է կլոր սեղան-քննարկմանը ռուսական կողմից Հայաստանի հետ ռազմարդյունաբերության ոլորտի համագործակցության շեշտադրման մասին
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Մոսկվայում «Ռուսաստանը եւ Հայաստանը նոր քաղաքական պայմաններում» թեմայով կլոր սեղան-քննարկմանը Հայաստանի խորհրդարանական պատվիրակության անդամ, պատգամավոր Ալեքսեյ Սանդիկովը հայտնում է, որ ռուսական կողմի ներկայացուցիչները շեշտել են Հայաստանի և Ռուսաստանի միջև ռազմարդյունաբերության ոլորտում համագործակցության դրական դինամիկան:
«Արմենպրես»-ի հաղորդմամբ` Սանդիկովն այս մասին հայտնեց ԱԺ-ում խորհրդարանական պատվիրակության անդամների հրավիրած ասուլիսում:
«Մասնակիցների շարքում կային մարդիկ Ռուսաստանի ռազմարդյունաբերական վերլուծական կենտրոնից, որոնք հիմնականում զբաղվում են ռազմական արդյունաբերության ոլորտով: Զեկուցողները լրացուցիչ անգամ շեշտեցին Հայաստանի և Ռուսաստանի միջև ռազմարդյունաբերության ոլորտում իրականացվող համագործակցությունը, նշեցին դրական դինամիկան»,-ասաց Սանդիկովը:
Հայաստանյան պատվիրակության ղեկավար, «Իմ քայլը» խմբակցության պատգամավոր Անուշ Բեղլոյանը քննարկման արդյունքները դրական գնահատեց: «Կլոր-սեղան քննարկմանը ներկա էին նաև Ռուսաստանի արտաքին գործերի նախարարությունից: Դա հնարավորություն էր միջխորհրդարանական դիվանագիտութան շրջանակում հայտնել մեր տեսակետը և խոսել այն առաջնահերթությունների մասին, որոնք մենք տեսնում են հայ-ռուսական հարաբերություններում` որպես խորհրդարանի ներկայացուցիչներ»,-նշեց Բեղլոյանը:
Մոսկվայում փետրվարի 6-ին տեղի ունեցած կլոր սեղան-քննարկումը կազմակերպել էին Միջազգային հարաբերությունների ռուսաստանյան խորհուրդն ու «Դիալոգ» հասարակական կազմակերպությունը: Հայաստանի խորհրդարանական պատվիրակության կազմում են եղել «Բարգավաճ Հայաստան» խմբակցությունից Սերգեյ Բագրատյանը, «Լուսավոր Հայաստան»-ից` Արկադի Խաչատրյանը, «Իմ քայլը»-ից Միքայել Զոլյանը, Ալեքսեյ Սանդիկովը և Անուշ Բեղլոյանը:
Բաժանորդագրվեք մեր ալիքին Telegram-ում