Ժամանակը Երևանում՝ 11:07:36,   16 Փետրվար

Դեմոկրատ Էմի Քլոբուշարը որոշեց իր թեկնածությունն առաջադրել ԱՄՆ-ի նախագահի 2020 թվականի ընտրություններում


ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի Մինեսոտայի նահանգից դեմոկրատ սենատոր Էմի Քլոբուշարը հայտարարել Է ԱՄՆ-ի նախագահի 2020 թվականի ընտրություններին մասնակցելու որոշման մասին, տեղեկացնում Է «Արմենպրես»-ը:

«Այսօր ամենակարող Միսիսիպի գետի ափին… Ես հանքագործի թոռնուհիս, ուսուցչուհու եւ մամուլի աշխատողի դուստրը, ինչպես նաեւ Մինեսոտայի նահանգից Սենատ ընտրված առաջին կինը… իմ թեկնածությունն եմ առաջադրում Միացյալ Նահանգների նախագահի պաշտոնի համար»,-ասել Է նա՝ ելույթ ունենալով Միննեապոլիս քաղաքում (Մինեսոտայի նահանգ) կայացած հանրահավաքում:

Նրա խոսքից մեջբերում Է արել CNN հեռուստաընկերությունը: 2006 թվականին Քլոբուշարը դարձել Է Մինեսոտայից ԱՄՆ-ի Կոնգրեսի վերին պալատում ընտրված առաջին կինը եւ պաշտոնն ստանձնել Է 2007 թվականի հունվարի սկզբին: Նա 2012 թվականին զգալի գերակշռությամբ հաղթել Է հանրապետական Քուրթ Բիլսին եւ Սենատում վերընտրվել երկրորդ ժամկետով: Փետրվարի 9-ին Մասաչուսեթսի նահանգից դեմոկրատ սենատոր Էլիզաբեթ Ուորենը իր թեկնածությունն Է առաջադրել ԱՄՆ-ի նախագահի 2020 թվականի ընտրություններին մասնակցելու համար: Դեմոկրատական կուսակցությունից նախագահի պաշտոնի թեկնածու առաջադրվելու հնարավոր հավակնորդների թվում ամերիկյան ԶԼՄ-ները նշում են նաեւ ԱՄՆ-ի 76-ամյա նախկին փոխնախագահ Ջո Բայդենին, Վերմոնտի նահանգից 77-ամյա սենատոր Բեռնի Սանդերսին, որը Հիլարի Քլինթոնի հետ մրցակցել Է Դեմոկրատական կուսակցությունից 2016 թվականի նախագահական ընտրություններում թեկնածու առաջադրվելու համար, Նյու Ջերսիի նահանգից սենատոր Քորի Բուքերին եւ Նյու Յորքի նահանգից սենատոր Քիրսթեն Ջիլիբրանդին: Ապագա նախագահական ընտրարշավի ընթացքում կուսակցական ակտիվիստների առաջին ժողովները տեղի կունենան Այովայի նահանգում 2020 թվականի փետրվարի սկզբին:

Դեմոկրատական կուսակցության համագումարը, որտեղ պաշտոնապես կառաջադրվի նախագահի պաշտոնի թեկնածուն, կկայանա 2020 թվականի հուլիսի 13-ից 16-ը: Համագումարն իրենց մոտ ընդունելու իրավունքին հավակնում են Մայամի Բիչը (Ֆլորիդայի նահանգ), Միլուոքին (Վիսկոնսինի նահանգ) եւ Հյուսթոնը (Տեխասի նահանգ): Հանրապետականներն իրենց համագումարը կանցկացնեն 2020 թվականի օգոստոսին՝ Շառլոտ քաղաքում (Հյուսիսային Կարոլինայի նահանգ): ԱՄՆ-ի նախագահի 59-րդ ընտրությունները կկայանան 2020 թվականի նոյեմբերի 3-ին, հաղորդել Է ՏԱՍՍ-ը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ