Ժամանակը Երևանում՝ 11:07:36,   15 Նոյեմբեր

ԱԺ տնտեսական հարցերի հանձնաժողովի փոխնախագահ ընտրվեց Հովիկ Աղազարյանը

ԱԺ տնտեսական հարցերի հանձնաժողովի փոխնախագահ ընտրվեց Հովիկ Աղազարյանը

ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: ՀՀ ազգային ժողովի տնտեսական հարցերի մշտական հանձնաժողովը նախագահի տեղակալ ընտրեց «Իմ քայլը» խմբակցության պատգամավոր Հովիկ Աղազարյանին: «Արմենպրես»-ի հաղորդմամբ` Աղազարյանը միաձայն ընտրվեց հանձնաժողովի առաջին նիստում տեղի ունեցած քվեարկությամբ:

«Ես շատ կարևորում եմ հանձնաժողովի անդամ լինելու հանգամանքը: Հաշվի առնելով մեր` պատգամավորներիս կարգավիճակը յուրաքանչյուրս կարող ենք մեր ներդրումը բերել աշխատանքների արդյունավետ կազմակերպման գործում: Հանձնաժողովի փոխնախագահի պաշտոնը լրացուցիչ հնարավորություններ է  տալիս ավելի արդյունավետ աշխատելու համար»,-նշեց Աղազարյանը:

Հանձնաժողովի փոխնախագահն անդրադարձավ տնտեսության զարգացման հեռանկարներին: Նա նկատեց, որ շատերը տնտեսական հեղափոխությունը պատկերացնում են որպես արտասովոր բան: « Տնտեսական հեղափոխության կոնտեքստով կոռուպցիան գլխատված է: Մեզ մոտ ամեն ինչ ընթանում է  հեղափոխության արժեքներին համահունչ: Կոռուպցիայի վերացումը տնտեսական հեղափոխության կարևոր դրսևորումներից է»,-ասաց Աղազարյանն ու դրա շարունակական զարգացման համար կարևորեց նաև խորհրդարանի դերը:

Նա նաև անդրադարձավ  բանկային համակարգին, որը թեև գործում է,  սակայն չի հանդիսանում տնտեսական հեղափոխության զարգացման գործիք: «Վստահ եմ` պետք է  աշխատենք, որ կամաց-կամաց հասնենք նրան, որ մեր ձեռներեցները կարողանան վերցնել մատչելի վարկեր և զարգացնեն իրենց բիզնեսը»,-նշեց հանձնաժողովի փոխնախագահը:

Ազգային ժողովի տնտեսական հարցերով մշտական հանձնաժողովի նախագահը «Իմ քայլը» խմբակցության պատգամավոր Բաբկեն Թունյանն է: Հանձնաժողովը բաղկացած է 15 անդամից: 10 պատգամավոր ներկայացված է «Իմ քայլը» խմբակցությունից, 3-ը` «Բարգավաճ Հայաստան» և  2-ը` «Լուսավոր Հայաստան խմբակցությունից:

 




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ