1000х90.jpg (78 KB)

Երևանում՝ 11:07,   28 Մարտ 2024

Իրանի խորհրդարանը շուտով կվավերացնի ԵԱՏՄ հետ ազատ առևտրի գոտի ստեղծելու մասին համաձայնագիրը

Իրանի խորհրդարանը շուտով կվավերացնի ԵԱՏՄ հետ ազատ առևտրի գոտի 
ստեղծելու մասին համաձայնագիրը

ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Իրանի խորհրդարանը մոտ ժամանակներս կվավերացնի Եվրասիական տնտեսական միության ու պաշտոնական Թեհրանի միջև ազատ առևտրի գոտի ստեղծելու մասին համաձայնագիրը: Ինչպես հաղորդում է «Արմենպրես»-ը, այս մասին «Россия-24»-ին տված հարցազրույցում ասել է Իրանի դեսպան Մեհդի Սանաին:

«Շատ շուտով համաձայնագիրը կվավերացվի»,- ասել է դեսպանը՝ նշելով, որ համաձայնագիրն արդեն Իրանի խորհրդարանում է: Նրա խոսքով՝ Ռուսաստանի, Բելառուսի և Ղազախստանի խորհրդարաններն արդեն վավերացրել են այն:

«Իրանում, Հայաստանում և Ղրղզստանում վավերացման գործընթացը շարունակվում է»,- ասել է Մեհդի Սանաին: Նա հույս է հայտնել, որ վավերացման գործընթացը կարևոր քայլ է ոչ միայն տնտեսական, այլև ռազմավարական տեսանկյունից: «Մենք պետք է բարձրացնենք Ռուսաստանի և մյուս երկրների հետ առևտրային հարաբերությունների մակարդակը: Հուսով եմ, որ Իրանի հետ նոր ազատ առևտրի գոտու ստեղծումը օգնում է այս հարցում»,- նշել է դիվանագետը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]