Ժամանակը Երևանում՝ 11:07:36,   5 Հուլիս

Լևոն Տեր-Պետրոսյանը հրաժարվել է փաստաբանի օգնությունից

 Լևոն Տեր-Պետրոսյանը հրաժարվել է փաստաբանի օգնությունից

ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: «Մարտի 1»-ի քրեական գործի շրջանակներում վկայի կարգավիճակով հարցաքննված ՀՀ առաջին նախագահ Լևոն Տեր-Պետրոսյանը հրաժարվել է փաստաբանի օգնությունից: Ինչպես տեղեկացնում է «Արմենպրես»-ը, այս մասին «Ֆեյսբուք»-ի իր էջում գրել է ՀՀ առաջին նախագահի մամուլի խոսնակ Արման Մուսինյանը:

«Ի պատասխան մի քանի լրատվամիջոցների կողմից արված հարցումների, տեղեկացնում եմ, որ նախագահ Տեր-Պետրոսյանը հրաժարվել է փաստաբանի օգնությունից: Եթե հարցաքննությունը շարունակություն ունենա, այդ մասին հանրությունը կտեղեկացվի մեր կողմից»,- գրել է Արման Մուսինյանը:

Փետրվարի 7-ին Հայաստանի Հատուկ քննչական ծառայությունում «Մարտի 1»-ի քրեական գործի շրջանակներում վկայի կարգավիճակով ՀՀ առաջին նախագահ Լևոն Տեր-Պետրոսյանի հարցաքննությունը տևել է 1.5 ժամ:

Փետրվարի 6-ին ՀՔԾ-ն չէր մեկնաբանել նույն գործի շրջանակում ՀՀ երրորդ նախագահ Սերժ Սարգսյանի հարցաքննության մասին տեղեկությունը: ՀՀ երկրորդ նախագահ Ռոբերտ Քոչարյանն այդ գործի շրջանակում կալանքի տակ է:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ