Ժամանակը Երևանում՝ 11:07:36,   18 Օգոստոս

Գյումրեցի պատանի շախմատիստները կմասնակցեն Նորվեգիայի միջազգային մրցաշարին


ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Գյումրեցի պատանի շախմատիստները կմասնակցեն Նորվեգիայի Կրագերո քաղաքում կայանալիք միջազգային մրցաշարին:

«Արմենպրես»-ի հաղորդմամբ` Գյումրին ներկայացնող պատանի շախմատիստները Գյումրու քույր քաղաք Նորվեգիայի Կրագերո քաղաքից հրավեր են ստացել մասնակցելու Կրագերո Ռեզորտ Չեսս 2019 միջազգային մրցաշարին, որը տեղի կունենա փետրվարի 20-24-ը:
Մրցաշարին կմասնակցեն Եվրոպայի պատանիների կրկնակի չեմպիոն Մամիկոն Ղարիբյանը, Անահիտ Մկրտչյանը, Սիմոն Թումանյանը, Հայկ Մանուկյանը, Մարիետա Խաչատրյանը, մարզիչ՝ միջազգային վարպետ Վահագն Խաչատրյան:

Կրագերոյի միջազգային մրցաշարին կմասնակցեն 11 երկրների 149 շախմատիստներ: Մրցաշարում առաջին դասակարգված շախմատիստն է աշխարհի չեմպիոն Մագնուս Կարլսենի մարտավկա Յոն Լյուդվիգ Համմերը:




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ