ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: Ռուսաստանը հավանություն Է տվել ռազմատեխնիկական համագործակցության շրջանակում Կուբային 38 միլիոն եվրոյի չափով վարկ տրամադրելուն: Այս մասին, ինչպես տեղեկացնում Է «Արմենպրես»-ը, հայտնել Է Ռազմատեխնիկական համագործակցության դաշնային ծառայության տնօրեն Դմիտրի Շուգաեւը փետրվարի 6-ին «Կոմերսանտ» թերթում հրապարակված հարցազրույցում:

«Վարկային համաձայնագիրն ստորագրված Է եւ ռուսական կողմից արդեն անցել Է ներպետական ընթացակարգերը»,- ասել Է Շուգաեւը՝ պատասխանելով համապատասխան հարցին:

Նա նշել Է, որ Կուբայի հետ ռազմատեխնիկական համագործակցության գծով միջկառավարական համաձայնագիրը գործում Է 2006 թվականից: «Մենք ավելի վաղ նրանց մատակարարել ենք զգալի ծավալի սպառազինություն եւ ռազմական տեխնիկա, այդ թվում նաեւ որպես ռազմատեխնիկական օգնություն: Այնտեղ կան մեր արտադրության թե՛ ինքնաթիռներ, թե՛ զրահատանկային տեխնիկա, թե՛ հրետանային համակարգեր, թե՛ հակաօդային պաշտպանության միջոցներ եւ թե՛ ծովային տեխնիկա: Այժմ փոխգործակցությունն իրականացվում Է այսպես կոչված տեխնոլոգիական համագործակցության ծրագրի շրջանակներում»,- հայտնել Է Ռազմատեխնիկական համագործակցության դաշնային ծառայության ղեկավարը, հաղորդել Է ՏԱՍՍ-ը: