ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: «Լոռիի» պաշտպան Արման Մկրտչյանը երկարաձգել է պայմանագիրը վանաձորյան ակումբի հետ:

«Արմենպրես»-ի հաղորդմամբ` 19-ամյա ֆուտբոլիստի նոր համաձայնագիրը նախատեսված է մինչեւ 2020 թվականի հունիսի 1-ը: Մկրտչյանը «Լոռիում» է 2017 թվականի օգոստոսի մեկից: Մեր թիմի մարզաշապիկով մասնակցել է 30 խաղի, դարձել երեք գոլային փոխանցման հեղինակ:

Արման Մկրտչյանը 2018-ի նոյեմբերին հրավիրվել էր Հայաստանի երիտասարդական հավաքական:

Հայաստանի ֆուտբոլի առաջնության 19-րդ տուրից հետո մրցաշարային աղյուսակի առաջատարը 33 միավորով «Ալաշկերտն» է: Երկրորդ տեղում 29 միավորով «Բանանցն» է: Եռյակը 37 միավորով եզրափակում է «Փյունիկը»: 4-րդ տեղում 26 միավորով «Արարատ-Արմենիան» է: Նրան հաջորդում է «Լոռին»՝ 25 միավորով: 22 միավոր հավաքած Գյումրու «Շիրակը» 6-րդն է: «Գանձասար-Կապանը» նույնպես ունի 22 միավոր: 13 միավորով նախավերջին տեղում «Արարատն» է, իսկ «Արցախն» ունի 12 միավոր:

Այժմ առաջնությունում դադար է: Այն կվերսկսվի մարտի 2-ին: