Apple-ն ավելի քան 200 մարդ Է հեռացրել ինքնակառավարվող ավտոմեքենայի մշակման բաժնից. CNBC
ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Apple կորպորացիան հեռացրել Է ավելի քան 200 աշխատակիցների, որոնք զբաղված Էին Titan ինքնակառավարվող ավտոմեքենայի մշակման նախագծում: Այդ մասին, ինչպես տեղեկացնում Է «Արմենպրես»-ը, հունվարի 24-ին հայտնել Է CNBC հեռուստաալիքը՝ վկայակոչելով իրազեկ աղբյուրներ:
Նրանց տվյալներով՝ որոշումը չի նշանակում, թե Apple-ի ղեկավարությունը կորցրել Է հետաքրքրությունն ավտոմոբիլաշինության այդ սեգմենտի նկատմամբ: Ավելի շուտ խոսքն ընկերության հաստիքակազմի հարկադրական վերակազմման մասին Է՝ կապված Դագ Ֆիլդին եւ Բոբ Մենսֆիլդին՝ 2018 թվականի օգոստոսին Titan նախագծի ղեկավարներ նշանակելու հետ: «Մենք ունենք մի խումբ անպատմելի տաղանդավոր աշխատակիցներ, որոնք աշխատում են ինքնավար համակարգերի եւ դրանց տեխնոլոգիաների վրա: Ամբողջ թիմը 2019 թվականի ընթացքում բոլոր ջանքերը կենտրոնացնում Է մի քանի հանգուցային ուղղությունների վրա, ընդ որում՝ առանձին բաժիններ փոխադրվում են օգնելու ընկերության այլ ստորաբաժանումների նախագծերի իրագործմանը»,-հեռուստաալիքը մեջբերում Է հարցման պատասխանը, որն ստացվել Է Apple-ի մամուլի ծառայությունից: «Մենք առաջվա պես հավատում ենք ինքնավար համակարգերի հսկայական հնարավորություններին, Apple-ը դրանց մշակման գործում իր լուման ներդնելու բացառիկ շանս ունի»,-հավելել են ընկերության մամուլի ծառայությունում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում