Brexit-ի փակուղուց դուրս գալու միակ ճանապարհը նոր հանրաքվեն Է. Թոնի Բլեր
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Brexit-ի փակուղուց դուրս գալու միակ ճանապարհը նոր հանրաքվեն Է: Այդ մասին, ինչպես տեղեկացնում Է «Արմենպրես»-ը, Մեծ Բրիտանիայի նախկին վարչապետ Թոնի Բլերը ՌԻԱ Նովոստիին հայտարարել Է Դավոսում ընթացող Համաշխարհային տնտեսական համաժողովի շրջանակներում:
«Դուք գիտեք իմ դիրքորոշումը: Ես այն բազմիցս եմ հրապարակել: Մենք տարաձայնություն ունենք դիրքորոշումներում, եւ միակ ճանապարհն այժմ վերստին մարդկանց դիմելն Է: Խորհրդարանը փակուղի Է մտել, գործարքը, որն առաջարկում Է վարչապետը, լավը չԷ: Այնպես որ ամենաողջամիտ բանը վերստին մարդկանց դիմելն Է վերջնական որոշում ընդունելու համար»,-ասել Է նա: Անցած շաբաթ խորհրդարանը մերժել Է վարչապետ Թերեզա Մեյի կողմից ներկայացված համաձայնագրի նախագիծը, որը նա ավելի վաղ արդեն համաձայնեցրել Էր ԵՄ-ի եւ նախարարների սեփական կաբինետի հետ: Պատգամավորների մեծ մասը դժգոհ Է մնացել փաստաթղթից, ի պաշտպանություն համաձայնագրի հանդես Է եկել 202 խորհրդարանական, դեմ՝ 432: Հունվարի 21-ին Մեյը ներկայացրել Է գործարքի հերթական տարբերակը, որը շատ չԷր տարբերվում տապալված նախագծից: Ինչպես սպասվում Է, դրա շուրջ բանավեճերը եւ քվեարկությունը տեղի կունենան հունվարի 29-ին, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում