Ժամանակը Երևանում՝ 11:07:36,   26 Հունվար

Հայաստանի փոքրիկ երգիչների շենքի փլուզված պատը վերականգնելու համար կառուցապատողը կտրամադրի 14 մլն դրամ

Հայաստանի փոքրիկ երգիչների շենքի փլուզված պատը վերականգնելու համար 
կառուցապատողը կտրամադրի 14 մլն դրամ

ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: «Հայաստանի փոքրիկ երգիչներ» երգչախմբի շենքի փլուզված պատը վերականգնելու համար ստորագրվելու է եռակողմ պայմանագիր:

«Արմենպրես»-ի հաղորդմամբ՝ լրագրողների հետ զրույցում այս մասին ասաց Երևանի գլխավոր ճարտարապետ Արթուր Մեսչյանը:

«Պայմանագիրը ստորագրելու են կառուցապատողը, երգչախմբի ղեկավար Տիգրան Հեքեքյանը և ՀՀ մշակույթի նախարարությունը: Կառուցապատողը՝ իտալացի ճարտարապետ Լուչիո Պեցցին տրամադրելու է 14 մլն ՀՀ դրամ: Նա կգա Իտալիայից և կներկայացնի կառույցի վերականգնման նախագիծը»,- շեշտեց Մեսչյանը և հավելեց, որ «Հայաստանի փոքրիկ երգիչներ»-ի շենքի հարցը, որը գտնվում է Արամի 23 հասցեում, արդեն փակված է:

Նրա խոսքով՝ Երևանի քաղաքապետարանն այդ հարցին որևէ առնչություն չունի:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ