Մխիթարյանը վնասվածքի պատճառով չի մասնակցի «Մանչեսթեր Յունայթեդ»-ի դեմ խաղին
14:25, 24 Հունվար 2019
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Հենրիխ Մխիթարյանը բաց կթողնի «Արսենալ»-«Մանչեսթեր Յունայթեդ» խաղը:
«Արմենպրես»-ի հաղորդմամբ` այս մասին գրում է Football London-ը: Անգլիայի ֆուտբոլի գավաթի խաղարկության 1/16 եզրափակիչում «Արսենալ»-ը սեփական հարկի տակ կընդունի «Մանչեսթեր Յունայթեդ»-ին: Մխիթարյանը վնասվածքի պատճառով բաց կթողնի նաև այս խաղը: Ըստ ամենայնի, հայ ֆուտբոլիստը «զինագործներին» կօգնի միայն հունվարի 29-ին կայանալիք Պրեմիեր լիգայի 24-րդ տուրի «Քարդիֆ»-ի դեմ խաղում:
Անգլիայի գավաթի խաղարկության 1/16 տուրի «Արսենալ»-«Մանչեսթեր Յունայթեդ» հանդիպումը կկայանա հունվարի 25-ին:
Բաժանորդագրվեք մեր ալիքին Telegram-ում