ՊԵԿ նախագահն իրենց պարգևավճարների մասին լուրերը ապատեղեկատվություն է համարում
11:27, 24 Հունվար 2019
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: ՀՀ Պետական եկամուտների կոմիտեի նախագահը մամուլում իրենց ստացած պարգևավճարների մասին լուրերն ապատեղեկատվություն է համարում:
«Արմենպրես»-ի փոխանցմամբ`այս մասին հունվարի 24-ին լրագրողների հետ զրույցում ասաց ՊԵԿ նախագահ Դավիթ Անանյանը:
«ՊԵԿ պարգևավճարների՝ մամուլում հրապարակված ցուցակն ու այդ մասին տեղեկատվությունը ապատեղեկատվություն է և սուտ։ Այդպիսի պարգևատրումների գումարներ հնարավոր չեն ուղղակի»,- ասաց Անանյանը։
Դավիթ Անանյանը չնշեց, թե իրականում որքան է եղել իրենց կառույցի աշխատակիցների ստացած պարգևավճարների գումարը:
Բաժանորդագրվեք մեր ալիքին Telegram-ում