Dyson-ի հիմնադիրը գլխավորել Է ամենահարուստ բրիտանացիների վարկանիշը. Bloomberg
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Մեծ Բրիտանիայի ամենահարուստ մարդը դարձել Է Ջեյմս Դեյսոնը՝ Dyson Ltd. ընկերության հիմնադիրը, որն առանց փոշեհավաք պարկի փոշեկուլներ Է արտադրում: Այդ մասին, ինչպես տեղեկացնում Է «Արմենպրես»-ը, հայտնել Է Bloomberg գործակալությունը:
Գործակալության հաշվարկների համաձայն, 2019 թվականի սկզբից Դայսոնի կարողությունն աճել Է 4,52 մլրդ դոլարով: Ընդ որում՝ հունվարի 22-ի միայն մեկ առեւտրական օրվա ընթացքում նրա կարողությունը ավելացել Է միանգամիր 3,41 մլրդ դոլարով՝ Dyson-ի ռեկորդային շահույթի վերաբերյալ հաղորդագրության ֆոնին: 2018 թվականի արդյունքներով ընկերությունը արձանագրել Է 1,1 մլրդ ֆունտ ստեռլինգի (1,4 մլրդ դոլար) շահույթ՝ 2017 թվականի 801 մլն ֆունտի դիմաց:
Այժմ միլիարդատիրոջ կարողությունը գնահատվում Է 13,8 մլրդ դոլար: Դայսոնն առաջին հորիզոնականից հետ Է մղել Ineos քիմիական հոլդինգի հիմնադրին եւ հիմնական սեփականատիրոջը՝ Ջիմ Ռեթքլիֆին, որի կապիտալը գնահատվում Է 13,1 մլրդ դոլար: Dyson բրիտանական ընկերությունը, որն արտադրում Է փոշեկուլներ, ինչպես նաեւ օդամաքրիչներ, ջահեր եւ կենցաղային սպառման մի շարք այլ ապրանքներ, պլանավորում Է թողարկել Էլեկտրամոբիլներ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում