ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Սերենա Ուիլյամսը Ավստրալիայի թենիսի բաց առաջնության կիսաեզրափակիչի ուղեգիր չկարողացավ նվաճել:

«Արմենպրես»-ի հաղորդմամբ` կանանց մենախաղի քառորդ եզրափակիչում Սերենա Ուիլյամսը մրցեց չեխուհի Կարոլինա Պլիշկովայի հետ: Հաղթելով միայն առաջին սեթում՝ Ուիլյամսն անսպասելիորեն պարտվեց հաջորդ երկու սեթում: Պլիշկովան ընդհանուր առմամբ հաղթեց 2 ժամ 20 րոպեում` 6:4, 4:6, 7:5 հաշվով:

Ավստրալիայի բաց առաջնությունը թենիսի «Մեծ սաղավարտի» չորս մրցաշարից հերթականն է, որն անցկացվում է Մելբուռն քաղաքի համանուն այգու կորտերում: Մրցաշարն անցկացվում է արդեն 107-րդ անգամ: Ավստրալիայի բաց առաջնության տղամարդկանց մենախաղի գործող չեմպիոնը շվեյցարացի Ռոջեր Ֆեդերերն է, իսկ կանանց պայքարում` Կարոլին Վոզնյացկին։