Մեքսիկայում Պոպոկատեպետլ հրաբուխը մոխրասյուն Է արտանետել
10:20, 23 Հունվար 2019
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Մեքսիկայում Պոպոկատեպետլ հրաբուխը հունվարի 22-ի երեկոյան ծխի ու մոխրի չորսկիլոմետրանոց սյուն Է արտանետել, որը շարժվում Է Պուեբլա քաղաքի ուղղությամբ: Այդ մասին, ինչպես տեղեկացնում Է «Արմենպրես»-ը, հայտնել Է համանուն նահանգի քաղաքացիական պաշտպանության ծառայությունը: «Ավելի քան 4 կմ բարձրությամբ հրաբխային սյուն Է արտանետվել, քամին մոխիրը տանում Է դեպի հյուսիս-արեւելք, այսինքն՝ Պուեբլա»,- ասված Է ծառայության հաղորդագրության մեջ: Փոքր-ինչ ավելի ուշ ծառայությունը Twitter-ում ճշտել Է, որ հրաբխային սյունի բարձրությունը հասնում Է երկու հազար մետրի, ինչպես նաեւ քաղաքացիներին հիշեցրել Է տարահանման ուղիների եւ ժամանակավոր ապաստարանների դասավորության մասին: Պոպոկատեպետլ հրաբուխը, որի անվանումը ացտեկների լեզվից թարգմանվում Է որպես «ծխացող լեռ», ծովի մակերեւույթից բարձր Է 5,4 հազար մետր: Այն արդեն վաղուց դարձել Է Մեքսիկայի խորհրդանիշներից մեկը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում