Վտանգավոր բեռով լցանավը ծանծաղուտն է խրվել Գերմանիայի ափերի մերձակայքում
ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Oriental Nadeshiko լցանավն ինը տոննա վտանգավոր դյուրավառ բեռով ծանծաղուտն Է խրվել Էլբայի գետաբերանում՝ Կուքսհաֆենի շրջանում: Այդ մասին հունվարի 21-ին հայտնել Է NDR հեռուստառադիոընկերությունը, տեղեկացնում Է «Արմենպրես»-ը:
Անձնակազմի անդամներն, ընդամենը 22 մարդ, չեն տուժել, նավի կորպուսում վնասվածքներ չեն հայտնաբերվել: Վթարի պատճառները, Կուքսհաֆենի նավահանգստային արտակարգ ծառայության ներկայացուցչի խոսքով՝ առայժմ պարզված չեն: Նշվում Է, որ նավում տեղակայված են բոլոր անհրաժեշտ լոցմանական սարքերը, եւ եղանակային պայմանները եղել են ստանդարտ, ուստի մասնագետներն արտակարգ պատահարի առավել հավանական պատճառ են համարում սարքավորանքի տեխնիկական թերությունը:
Ներկայում տեղում են գտնվում վեց քարշիչներ եւ երկու փրկանավեր, հաղորդել Է «Ինտերֆաքսը»:
Բաժանորդագրվեք մեր ալիքին Telegram-ում