Ժամանակը Երևանում՝ 11:07:36,   20 Մարտ

«Արսենալ»-ը և ՀՖՖ-ն շնորհավորել են Հենրիխ Մխիթարյանին


ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի Ֆեդերացիան և Լոնդոնի «Արսենալ»-ը շնորհավորել են Հենրիխ Մխիթարյանին ծննդյան օրվա կապակցությամբ:

«Ծնունդդ շնորհավոր, Միկի: Հենրիխ Մխիթարյանն այսօր դառնում է 30 տարեկան: Հուսով ենք՝ կանցկացնես լավ ծննդյան օր: Անհամբերությամբ սպասում ենք քեզ շուտով խաղադաշտում տեսնելուն»,-«Արմենպրես»-ի հաղորդմամբ` իր Թվիթերի էջում գրել է ակումբը:

Հայաստանի ֆուտբոլի ֆեդերացիան ևս շնորհավորել է հայ կիսապաշտպանին:

Հայաստանի ֆուտբոլի ազգային թիմի և Լոնդոնի «Արսենալ»-ի կիսապաշտպան Հենրիխ Մխիթարյանը տոնում է ծննդյան 30-ամյակը:

Հենրիխ Մխիթարյանը ծնվել է 1989 թվականի հունվարի 21-ին: Կյանքի առաջին տարիներն անցկացրել է Ֆրանսիայում։ Յոթ տարեկան հասակում ընտանիքի հետ Ֆրանսիայից վերադարձել է Հայաստան, որտեղ էլ որոշել է ընտրել ֆուտբոլիստի կարիերան։ Հայաստանի ազգային հավաքականի լավագույն ռմբարկուն է, իսկ 2015 թվականից՝ ավագը։

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ