Ուիլյամսն Ավստրալիայի բաց առաջնությունից դուրս թողեց աշխարհի առաջին ռակետին
15:37, 21 Հունվար 2019
ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Թենիսի աշխարհի 16-րդ ռակետ Սերեն Ուիլյամսն Ավստրալիայի բաց առաջնությունից դուրս թողեց աշխարհի առաջին ռակետին:
«Արմենպրես»-ի հաղորդմամբ` կանանց մենախաղի 4-րդ շրջանում նա մրցում էր աշխարհի առաջին ռակետ Սիմոնա Հալեպի հետ: 1 ժամ 47 րոպե ձգված մրցախաղում Ուիլյամսը հաղթեց 6:1, 4:6, 6:4 հաշվով:
Ավստրալիայի բաց առաջնությունը թենիսի «Մեծ սաղավարտի» չորս մրցաշարից հերթականն է, որն անցկացվում է Մելբուռն քաղաքի համանուն այգու կորտերում: Մրցաշարն անցկացվում է արդեն 107-րդ անգամ: Ավստրալիայի բաց առաջնության տղամարդկանց մենախաղի գործող չեմպիոնը շվեյցարացի Ռոջեր Ֆեդերերն է, իսկ կանանց պայքարում` Կարոլին Վոզնյացկին:
Բաժանորդագրվեք մեր ալիքին Telegram-ում