Ժամանակը Երևանում՝ 11:07:36,   23 Օգոստոս

Հայաստան գազի տարանցման մասին «Գազպրոմ էքսպորտ»-ի և Վրաստանի միջև բանակցությունները կավարտվեն երկու շաբաթից


ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Վրացական կողմը և «Գազպրոմ էքսպորտ»-ը բանակցություններ են վարում Հայաստան ռուսական գազի տարանցման մասին նոր համաձայնության մասին, հայտարարել է Վրաստանի էկոնոմիկայի և կայուն զարգացման նախարար Գիորգի Կոբուլիան։

Նախարարը հիշեցրել է, որ նախկին պայմանագրի գործողության երկամյա ժամկետը լրացել էր 2018թ. դեկտեմբերի 31-ին։

«Վարվում է բանակցությունների գործընթաց, և մինչև դրա ավարտը գործում են նախկին համաձայնության պայմանները։ Կարծում ենք, որ երկու շաբաթ հետո բանակցությունները կավարտվեն, և մենք կհայտնենք այն ամենը, ինչը գաղտնի չի լինի»,- ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, լրագրողներին հայտարարել է Կոբուլիան ։

Ավելի վաղ Վրաստանի վարչապետ Մամուկա Բախտաձեն ասել էր, որ երկիրը կշարունակի կատարել իր տարանցման գործառույթը՝ Հայաստան տեղափոխելով Ռուսաստանի բնական գազը։

Վրաստան գազի հիմնական մատակարարն Ադրբեջանն է։ Մինչև 2017թ. հունվարը Ռուսաստանից Հայաստան գազի տարանցման համար Վրաստանն ստանում է տարանցված գազի ընդհանուր ծավալի 10 տոկոսը։ Վրաստանի և «Գազպրոմ էքսպորտ» ընկերության միջև վերջին պայմանագրի համաձայն՝ 2017թ. Հայաստան գազի տարանցման համար վճարումները կատարվում էին խառը սխեմայով՝ մասամբ փողով և մասամբ՝ գազով, իսկ 2018-ին՝ միայն դրամական միջոցներով։




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ