Ճապոնիայում առնվազն 40 երեխա Է հոսպիտալացվել տարրական դպրոցում բռնկած հրդեհի հետեւանքով
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Ճապոնիայում առնվազն 40 երեխա Է հոսպիտալացվել շմոլ գազից թունավորվելու ախտանշաններով, որը տեղի Է ունեցել երկրի Օսակայի պրեֆեկտուրայի տարրական դպրոցներից մեկում բռնկած հրդեհի հետեւանքով, տեղեկացնում Է «Արմենպրես»-ը:
«Կիոդո» գործակալության տվյալներով, որը վկայակոչում Է հրշեջ ծառայությունների ներկայացուցիչներին, հրդեհն առաջացել Է դպրոցական խոհանոցի տարածքում:
Բռնկումը մարելու համար պահանջվել Է 10 րոպե, սակայն մի քանի տասնյակ երեխաներ գանգատվել են վատ ինքնազգացողությունից: Տուժած բոլոր երեխաներից ոչ ոք գիտակցությունը չի կորցրել, նրանց կյանքին վտանգ չի սպառնում: Հրդեհի ստույգ պատճառները դեռեւս հայտնի չեն:
Ենթադրվում Է, որ բռնկումն սկսվել Է միացված սալիկի վրա թողնված յուղով թավայի պատճառով, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում