Նիդերլանդներում Հայաստանի դեսպանը հանդիպել է Եվրապոլի գործադիր տնօրենի հետ
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Նիդերլանդներում ՀՀ դեսպան Տիգրան Բալայանը հունվարի 17-ին հանդիպել է Եվրոպական միության իրավապահ գործակալության՝ Եվրապոլի գործադիր տնօրեն Կատերին Դե Բոլի (Catherine de Bolle) հետ։
Ինչպես «Արմենպրես»-ին տեղեկացրին ՀՀ ԱԳՆ լրատվության և հանրային դիվանագիտության վարչությունից, համաեվրոպական կառույցի, արդյունավետ գործունեությունը, ներկայացրել է Հայաստանում կոռուպցիայի, կազմակերպված հանցավորության դեմ պայքարի ուղղությամբ իրավապահ մարմինների գործունեությունը։ Այդ համատեքստում կարևորվել է Եվրապոլի և ԵՄ անդամ երկրների հետ փոխգործակցության խորացումը։
Հանդիպմանը քննարկվել են ՀՀ ոստիկանության և Եվրապոլի միջև համագործակցության հաստատման հնարավորությունները։ Նախանշվել են նշյալ կառույցների միջև համագործակցության հաստատման ուղղությամբ իրականացվելիք համատեղ քայլերը։
Եվրապոլի գործադիր տնօրենի խնդրանքով ՀՀ դեսպանը ներկայացրել է Հայաստանի մոտեցումները տարածաշրջանային խնդիրների և դրանց կարգավորման նպատակով միջազգային հանրության կողմից ձեռնարկվող ջանքերի վերաբերյալ։
Բաժանորդագրվեք մեր ալիքին Telegram-ում