Շախմատի կանանց առաջնության միանձնյա առաջատարը Գևորգյանն է
22:11, 16 Հունվար 2019
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Տիգրան Պետրոսյանի անվան շախմատի տանը կայացավ կանանց 74-րդ առաջնության հերթական տուրը:
«Արմենպրես»-ի հաղորդմամբ՝ մրցաշարի 5-րդ տուրում առաջատար Մարիա Գևորգյանը կրկին հաղթեց: Առավելության հասան նաև Արփինե Գրիգորյանը, Սիրանուշ Ղուկասյանը և Սուսաննա Գաբոյանը:
Այս տուրից հետո մրցաշարային աղյուսակը գլխավորում է Մարիա Գևորգյանը: Նա ունի 4,5 միավոր: 3,5-ական միավոր ունեն Սիրանուշ Ղուկասյանը և Սուսաննա Գաբոյանը:
Առաջնության 6-րդ տուրը կկայանա հունվարի 17-ին:
Բաժանորդագրվեք մեր ալիքին Telegram-ում