«Ուրարտու»-ն առաջին քառորդում պարտվելուց հետո հաղթեց ՖԻՄԱ-ին
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Բասկետբոլի Հայաստանի կանոնավոր առաջնության 14-րդ տուրի շրջանակներում «Ուրարտու»-ն մրցեց ՖԻՄԱ-ի հետ: «Արմենպրես»-ի հաղորդմամբ` նախկին «Միկա» մարզահամալիրում կայացած խաղի առաջին քառորդում ՖԻՄԱ-ն ավելի ակտիվ և կառուցողական խաղ էր ցուցադրում: Երկրորդ քառորդում ՖԻՄԱ-ն մեծացրեց միավորների առավելությունը, բայց «Ուրարտու»-ն կամային խաղի շնորհիվ նախ վերականգնեց հաշվի տարբերությունը, այնուհետ առաջ անցավ: Թիմերը մեծ ընդմիջման գնացին 49:45 հաշվով` հօգուտ «Ուրարտու»-ի: Երրորդ քառորդում «Ուրարտու»-ն խաղն իր ձեռքը վերցրեց և առավելության հասավ 107-84 հաշվով:
Հանդիպման ամենաարդյունավետ բասկետբոլիստը ՖԻՄԱ-ից Նիկիտա Օսիտն էր` 29 միավոր: 14-րդ տուրի վերջին խաղում` հունվարի 17-ին կմրցեն «Արթիկ»-ը և «Արցախ»-ը:
Բաժանորդագրվեք մեր ալիքին Telegram-ում