Մարգարիտա Տերեխովայի ընտանիքը ֆինանսական օգնություն Է խնդրում դերասանուհու բուժման համար
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Դերասանուհի Մարգարիտա Տերեխովայի համար շուրջօրյա խնամք եւ թանկարժեք դեղորայք են պահանջվում, ընտանիքը ֆինանսական օժանդակություն Է խնդրում նրա բուժման համար:
Այդ մասին, ինչպես տեղեկացնում Է «Արմենպրես»-ը, հաղորդվում Է Կինեմատոգրաֆիստների միության կայքում: Ժողովրդական դերասանուհի Մարգարիտա Տերեխովան հայտնի Է Պավել Լյուբիմովի «Ալիքների վրայով վազողը», Անդրեյ Սմիռնովի «Բելառուսական կայարան», Անդրեյ Տարկովսկու «Հայելի» եւ այլ կինոնկարներում խաղացած դերերով: Դերասանուհին երկար ժամանակ տառապում Է Ալցհայմերի հիվանդությունից:
«Նա գամված Է անկողնուն, եւ նրա համար թանկարժեք դեղորայք, շուրջօրյա խնամք են պահանջվում, որոնք պահպանում են նրա հարմարավետ վիճակը: Ընտանիքն ուժերի եւ հնարավորությունների համեմատ արժանի խնամք Է ապահովում, բայց դրա համար փողն աղետալիորեն չի բավականացնում: Եթե դուք հնարավորություն ունեք, շնորհակալ կլինենք ցանկացած գումարի փոխանցման համար»,- ասված Է հաղորդագրության մեջ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում