Ժամանակը Երևանում՝ 11:07:36,   16 Հոկտեմբեր

Վիքիպեդիան դառնում է 18 տարեկան

Վիքիպեդիան դառնում է 18 տարեկան

ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Համացանցի ամենամեծ հանրագիտարանը՝ Վիքիպեդիան հունվարի 15-ին դառնում է 18 տարեկան։ Ինչպես հաղորդում է «Արմենպրես»-ը, Վիքիմեդիա Հայաստանը՝ վիքիխմբագիրների և ազատ գիտելիքը տարածողների հետ հունվարի 15-ին Վիքիմեդիա Հայաստանի գրասենյակում նշելու է հանրագիտարանի ծնունդը։ Այդ օրը, բացի տոնախմբությունից ու ջերմ հանդիպումներից, Վիքիմեդիա Հայաստանն ամփոփելու է նաև 2018-ին կատարած աշխատանքը, խմբագրումները, կազմակերպված միջոցառումներն ու համագործակցությունները։

Վիքիպեդիան բազմալեզու ազատ հանրագիտարան է, որը ստեղծել են Ջիմմի Ուելսն ու Լարի Սանգերը 2001 թվականին։ Ներկայումս Վիքիպեդիան համացանցի ամենաշատ օգտագործվող հանրագիտարանն է և 5-րդը՝ ամենաայցելվող կայքերի ցանկում։ Թեմատիկ ընդգրկման և տեղեկատվության ծավալի առումով Վիքիպեդիան համարվում է մարդկության ստեղծած ամենալիարժեք հանրագիտարանը, որտեղ հոդվածներ գրում, բարելավում և խմբագրում են աշխարհի ամենատարբեր հատվածներում բնակվող կամավոր խմբագիրները։ Որոշ գիտնականներ Վիքիպեդիան անվանում են մարդկության պատմության ընթացքում ստեղծած ամենանշանակալի երևույթը։

Հայերեն Վիքիպեդիան երբևէ ստեղծված հայալեզու ամենամեծ հանրագիտարանն է, որն այժմ պարունակում է ավելի քան 250 000 հոդված զանազան թեմաների վերաբերյալ։

Վիքիմեդիա Հայաստանի մասին

Վիքիմեդիա Հայաստանը հիմնադրվել է 2013 թվականի մայիսին 14-ին՝ որպես Վիքիմեդիա տեղական կազմակերպություն։ «Վիքիմեդիա Հայաստան» գիտակրթական հասարակական կազմակերպության նպատակն է խթանել վիքի նախագծերի տարածումը և զարգացումը Հայաստանում, հանրայնացնել ազատ գիտելիքի գաղափարը և աջակցել նոր վիքիմեդիացիներին։




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ