Ժամանակը Երևանում՝ 11:07:36,   19 Հոկտեմբեր

Քրեակատարողական ծառայությունում կայացել է տնտեսական ոլորտը սպասարկող անձնակազմի խորհրդակցություն

Քրեակատարողական ծառայությունում կայացել է տնտեսական ոլորտը սպասարկող 
անձնակազմի խորհրդակցություն

ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: ՀՀ արդարադատության նախարարության քրեակատարողական ծառայության պետի տեղակալ, արդարադատության գնդապետ Վարուժան Մելքոնյանը հունվարի 11-ին խորհրդակցություն է անցկացրել քրեակատարողական հիմնարկների տնտեսական ոլորտը սպասարկող ղեկավար անձնակազմի հետ, որի օրակարգում 2019թ. տնտեսական ոլորտում կատարվելիք աշխատանքների քննարկումն էր: Այս մասին «Արմենպրես»-ին տեղեկացրին ՀՀ ԱՆ քրեակատարողական ծառայության հանրային կապերի բաժնից՝ հավելելով. «Վ. Մելքոնյանը ներկաների առաջնահերթ ուշադրությունը հրավիրեց բնակելի գոտում էներգակիրների շահագործման և խնայողության հարցերի վրա՝ հրահանգելով խիստ հետևողական լինել սպառման հարցերում և չգերազանցել կառավարության որոշմամբ սահմանված չափաքանակները:

Այնուհետ քրեակատարողական ոլորտի պատասխանատուների ուշադրությունը հրավիրեց անազատության մեջ պահվող անձանց սննդի որակի պահպանման, բազմազանության ապահովման վրա՝ կոչ անելով սնունդը պատրաստել այն քանակով, որ իսպառ բացառվի ավելցուկըՎ. Մելքոնյանը հրահանգեց նաև անձնական պատասխանատվությամբ ուժեղացնել հսկողությունը մատակարարվող ապրանքների որակի, պիտանելիության ժամկետների և սահմանված տեխնիկական բնութագրերի պահպանման նկատմամբ, բացառել անորակ կամ օգտագործման համար ոչ պիտանի, տեխնիկական բնութագրերին չհամապատասխանող ապրանքների ընդունման դեպքերը, հանդիպող խոչընդոտների, խնդիրների, հայտնաբերված յուրաքանչյուր անհամապատասխանության դեպքում անհապաղ տեղեկացնել քրեակատարողական ծառայության կենտրոնական մարմնի համապատասխան ստորաբաժանմանը լուծումներ ստանալու նպատակով: Ծառայության պետի տեղակալը հանձնարարեց նաև ճաշացանկը կազմելու ժամանակ համագործակցել բուժսպասկման բաժնի հետ՝ ազատազրկված որոշ անձանց դիետիկ սնունդը պատրաստելու համար:

Ոլորտը կարգավորող ծառայակիցներին Վ. Մելքոնյանը հրահանգեց ամենայն զգոնությամբ հետևել քրեակատարողական հիմնարկներում 2019թ. մեկնարկվելիք վերանորոգման, ինչպես նաև շինհրապարակներում ընթացող աշխատանքների որակին:

Խորհրդակցության ընթացքում անդրադարձան ծառայությունում հաշվառված տրանսպորտային միջոցների շահագործմանը, վերանորգմանը, վառելիքի նախատեսված չափաքանակի վերահսկմանը, հիմնարկի սանիտարահիգիենիկ վիճակին և աղբահանությանը, ինչպես նաև հրահանգվեց խիստ ուշադրություն դարձնել ազատազրկված անձանց անկողնային, հիգիենիկ պարագաների և արտահագուստի տրամադրմանը:

Վ. Մելքոնյանը շեշտադրեց նաև բոլոր հիմնարկների միջև աշխատանքային համագործակցության անհրաժեշտությունը՝ նշելով, որ փոխադարձ կապի միջոցով հնարավոր է ամբողջացնել առկա թերությունները և ներկայացնել դրանք ծառայությանը քննարկումների և համապատասխան լուծումներ ստանալու նպատակով:

Բարձրացված խնդիրների շուրջ առաջակություններով, հարցադրումներով հանդես եկան նաև ծառայության համապատասխան բաժնի պետերը՝ առաջարկելով ներկայացնել տարբերակներ տնտեսվարողների հետ առաջիկայում կնքվելիք  պայմանագրերի լիարժեքության մասին:

Վ. Մելքոնյանը խորհրդակցության ավարտին հայտնեց, որ վերհանված խնդիրների, հարցերի հետագա ընթացքը կարգավորելու համար կլինեն նաև ՀՀ ԱՆ քրեակատարողական ծառայության պետ, արդարադատության գնդապետ Ա. Մխոյանի հանձնարարականները և ցուցումները»:  

Խորհրդակցությանը մասնակցել են քրեակատարողական ծառայության նյութատեխնիկական ապահովման բաժնի պետ Գ. Հարությունյանը, կենցաղային ապահովման բաժնի պետ Ա. Խաչատրյանը, ֆինանսական բաժնի պետ Ա. Հարությունյանը:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ