ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: WikiLeaks-ի հիմնադիր Ջուլիան Ասանժի համար ավելի լավ կլինի հանձնվել Մեծ Բրիտանիայի իշխանություններին: Այս մասին, ինչպես տեղեկացնում Է «Արմենպրես»-ը, հայտարարել Է Էկվադորի արտաքին գործերի նախարար Խոսե Վալենսիան:

Նրա խոսքով՝ Ասանժը երկու ելք ունի. կա՛մ անորոշ ժամանակով մնալ Լոնդոնում Էկվադորի դեսպանատանը՝ առանց պարզորոշ հեռանկարների, կա՛մ հանձնվել իշխանություններին: «Այս տարբերակը, ինչպես մենք ենք կարծում, ամենադրականն Է նրա համար»,- ասել դիվանագետը: Ավելի վաղ Էկվադորի նախագահ Լենին Մորենոն Ասանժին առաջարկել Է հեռանալ իր երկրի դեսպանատնից: Նա հայտարարել Է, որ Մեծ Բրիտանիայից ստացել Է այն բանի երաշխիքներ, որ վերջինս չի արտահանձնվի որեւիցե երկիր, որտեղ նրա կյանքին ինչ-որ բան սպառնա: Չնայած դրան, WikiLeaks-ի հիմնադիրը հրաժարվել Է առաջարկությունից:

Ջուլիան Ասանժն Էկվադորի դեսպանատանն Է ապրում արդեն ավելի քան հինգ տարի: Այդ ընթացքում երկրի իշխանությունները նրա անվտանգության համար առնվազն հինգ միլիոն դոլար են ծախսել, հաղորդել Է ՌԻԱ Նովոստին: