Սլովակիայում մարդատար գնացքը բախվել է բեռնատարին
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Սլովակիայի հյուսիս-արեւմուտքի Չադցա բնակավայրի մերձակայքում հունվարի 10-ի երեկոյան մարդատար գնացքը բախվել Է բեռնատարին, ինչի հետեւանքով գնացքի վագոնները դուրս են ընկել ռելսերից: Այդ մասին, ինչպես տեղեկացնում Է «Արմենպրես»-ը, հայտնել Է Սլովակիայի հրշեջ ծառայության եւ փարկարարների ծառայության միացյալ վարչության պաշտոնական ներկայացուցիչ Կատարինա Կրիժանովան: «Մերձքաղաքային մարդատար գնացքը Չադցայի մերձակա երկաթուղային գծանցում բախվել Է մեծաբեռնատար ավտոմեքենային,- Կրիժանովայի խոսքը մեջբերում Է Սլովակիայի ռադիոն:- Տարբեր աստիճանի ծանրության վնասվածքներ են ստացել գնացքի 70 ուղեւորներից վեցը եւ բեռնատարի վարորդը: Բախումից երկաթուղային շարժակազմը դուրս Է ընկել ռելսերից: Վագոնները կողարջվել են»:
Արտակարգ պատահարի վայր են ժամանել շտապօգնության բրիգադներ, փրկարարներ, հրշեջներ եւ ոստիկանությունը: Բժիշկները զննում են տուժածներին եւ ուղարկում հիվանդանոցներ: Վթարի վայրում դադարեցվել Է երկաթուղային եւ ավտոմոբիլային երթեւեկությունը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում