«Լոռի»-ն ներկայացրել է նոր գլխավոր մարզիչ Արթուր Պետրոսյանին
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: Վանաձորի «Լոռի» ֆուտբոլային ակումբը նոր գլխավոր մարզիչ Արթուր Պետրոսյանին ներկայացրել է թիմի ֆուտբոլիստներին: Ինչպես փոխանցում է «Արմենպրես»-ը, վկայակոչելով «Լոռի»-ի մամուլի ծառայությունը, այսօր տեղի է ունեցել Արթուր Պետրոսյանի շնորհանդեսը: 46-ամյա մարզչի պայմանագիրը նախատեսված է մինչև ընթացիկ մրցաշրջանի ավարտը՝ երկարաձգելու հնարավորությամբ:
Պետրոսյանի մարզչական շտաբում են ընդգրկվել Հայաստանի ազգային հավաքականի նախկին ֆուտբոլիստ Ռազմիկ Գրիգորյանը և նախորդ մրցաշրջանում Երևանի «Լոկոմոտիվ»-ի գլխավոր մարչի պաշտոնը զբաղեցրած Վահե Գևորգյանը:
Բարձրագույն խմբի ընթացիկ առաջնության աշնանային շրջանը «Լոռի»-ն ավարտել է 5-րդ հորիզոնականում:
Թիմի նախկին գլխավոր մարզիչն էր Արմեն Ադամյանը, ով ընդգրկվել է «Ալաշկերտ»-ի մարզչական խորհրդում:
Բաժանորդագրվեք մեր ալիքին Telegram-ում