ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: Կալիֆոռնիայի նահանգի կենդանաբանները մոնարխ դանայիդ տեսակի թիթեռների պոպուլյացիայի լուրջ նվազում են արձանագրել, որոնց քանակը 2017 թվականից գրեթե տասնապատիկ կրճատվել Է: Այդ մասին, ինչպես տեղեկացնում Է «Արմենպրես»-ը, հայտնել Է Daily Mail-ը:

Նշվում Է, որ Xerces ընկերության կատարած հաշվարկներով՝ ընթացիկ տարում գրանցվել Է այդ տեսակի 30 հազարից պակաս թիթեռ, ինչը 86 տոկոսով քիչ Է, քան 2017 թվականի համանման հաշվեգրման ժամանակ: Նաեւ օրինակ են բերվում 1981 թվականի տվյալները, երբ հաստատված պոպուլյացիան կազմել Է ավելի քան մեկ միլիոն առանձնյակ: Վաշինգտոնի համալսարանի հետազոտության համաձայն՝ առաջիկա տասնամյակներին այս տեսակը լիովին կանհետանա, եթե մարդկությունը դրա պահպանման միջոցներ չձեռնարկի:

Նշվում Է, որ մոնարխ դանայիդը Հյուսիսային Ամերիկայի ամենահայտնի թիթեռներից մեկն Է, որն ամեն տարի որսում են բազմաթիվ զբոսաշրջիկներ, որոնք ցանկանում են լուսանկարվել այդ գեղեցիկ միջատների հետ: