Ժամանակը Երևանում՝ 11:07:36,   27 Հունվար

ՀՀ ոստիկանությունը հունվարի 1-ից 8-ը բացահայտել է հանցագործության 153 դեպք

ՀՀ ոստիկանությունը հունվարի 1-ից 8-ը բացահայտել է հանցագործության 153 դեպք

ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ։ Ըստ ոստիկանության օպերատիվ հաղորդագրությունների ամփոփագրերի` հունվարի 1-ից 8-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 153 դեպք։

Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, բացահայտվել է մարմնական վնասվածք հասցնելու 55, ծեծի 23, անձնական ունեցվածքի գողության 21, խարդախության 14, անձի առևանգման ու պաշտոնեական լիազորությունների չարաշահման 6-ական, սպանության սպառնալիքի 4, ավտոմեքենա փախցնելու և գույքի դիտավորությամբ ոչնչացման 3-ական, բռնաբարության կամ բռնաբարության փորձի ու խուլիգանության 2-ական, սպանության, թմրամիջոցի հայտնաբերման, ապօրինի ծառահատման, դրամանենգության, զենք-զինամթերքի առգրավման, իշխանության ներկայացուցչի նկատմամբ բռնության, կողոպուտի, ազատությունից ապօրինի զրկելու, գույքի ոչնչացման սպառնալիքի, կաշառակերության, բժշկական օգնություն և սպասարկում իրականացնողների կողմից մասնագիտական պարտականությունները ոչ պատշաճ կատարելու կամ չկատարելու, դատական ակտի դիտավորությամբ չկատարելու, տասնվեց տարին չլրացած անձի հետ սեքսուալ բնույթի գործողություններ կատարելու ու տասնվեց տարին չլրացած անձի հետ սեռական հարաբերություն ունենալու 1-ական դեպք։

Հայտնաբերվել է 4 անհետ կորած, 12 հետախուզվող, կամավոր ներկայացել է 8-ը։
Նախկինում կատարված հանցագործություններից բացահայտվել է բնակարանային գողության 5, մարմնական վնասվածք հասցնելու և կողոպուտի 2-ական, սպանության, անձնական ունեցվածքի գողության ու ճանապարհատրանսպորտային պատահարի 1-ական դեպք։ 

Անցած 7 օրվա ընթացքում հանրապետությունում արձանագրվել է ճանապարհատրանսպորտային 95 պատահար, ինչի հետևանքով 8 մարդ զոհվել է, 162-ը՝ ստացել տարբեր աստիճանի մարմնական վնասվածքներ:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ