Ժամանակը Երևանում՝ 11:07:36,   23 Օգոստոս

Դահուկավազքի առաջնությունում անակնկալներ չեն գրանցվում. Գագիկ Սարգսյան


ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: Դահուկավազքի Հայաստանի ընթացիկ առաջնությունում անակնկալներ չեն գրանցվում, սակայն այն բաղկացած կլինի երկրորդ փուլից ևս:

Այս մասին «Արմենպրես»-ի հետ զրույցում ասաց Հայաստանի դահուկասպորտի ֆեդերացիայի գլխավոր քարտուղար Գագիկ Սարգսյանը: «Մեծահասակների այս տարվա առաջնությունում անակնկալներ չեն գրանցվում: Մասնակցում է շուրջ 30 դահուկորդ Հայաստանի տարբեր մարզերից: Ցավոք, առաջնության մասնակից աղջիկների քանակն է քիչ` ընդամենը 7 մասնակից»,-ասաց ֆեդերացիայի գլխավոր քարտուղարը:

Վերջինիս խոսքով` այս տարի առաջնությանը, որը վարկանիշային է, արտասահմանից մասնակիցներ չկան, սակայն լինելու է երկրորդ փուլ, որը կկայանա փետրվարին: «Առաջնության երկրորդ փուլ անցկացնելով՝ հնարավորություն կտանք մարզիկներին նորից մեկնարկներ ունենալ»,-եզրափակեց նա:

Դահուկավազքի Հայաստանի առաջնությունը անցկացվում է Աշոցքում: Այն մեկնարկել է հունվարի 7-ին և կեզրափակվի` 9-ին: 

Վարվառա Հայրապետյան




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ