Բրյուսելն արտակարգ միջոցների փաթեթ է պատրաստել ի դեպս առանց համաձայնության Brexit-ի. Financial Times
ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ: Եվրահանձնաժողովը (ԵՀ) մշակել Է արտակարգ գործողությունների պլան առանց Բրյուսելի հետ համաձայնության Միության կազմից Մեծ Բրիտանիայի դուրս գալու (Brexit -ի) դեպքում: Ինչպես տեղեկացնում Է «Արմենպրեսը», դեկտեմբերի 19-ին այս մասին հաղորդել Է Financial Times (FT) թերթը՝ վկայակոչելով իրազեկ աղբյուրներ:
14 առաջարկություններից բաղկացած փաթեթն, ըստ հրատարակության տեղեկատվության, ընդգրկում Է ամենատարբեր ոլորտներ եւ նպատակամիտված Է «կոշտ Brexit-ի առավել բացասական հետեւանքերից խուսափելուն»: Դրանց հեղինակները Եվրամիության անդամ երկրներին խորհուրդ են տալիս միջոցներ ձեռնարկել «Եվրոպայում Մեծ Բրիտանիայի քաղաքացիների բնակության կարգավիճակի եւ սոցիալական ապահովության խնդրի լուծման ուղղությամբ»՝ փոխադարձ քայլեր սպասելով Լոնդոնի կողմից:
Նաեւ առաջարկվում Է մեկ տասնյակից ավելի օրենսդրական ակտերի ընդունում՝ կոշտ Brexit-ի մեղմացման եւ Եվրամիության եւ Միացյալ Թագավորության միջեւ հարաբերություններում «որոշակի հաջորդականության ապահովման» նպատակով: Ամենակարեւոր օրենսդրական ակտերից որոշները վերաբերում են հենց ֆինանսական ծառայություններին՝ այն ոլորտին, որի առաջատարը Մեծ Բրիտանիան Է: Միեւնույն ժամանակ ոչինչ չի ասվում այօրվա դրությամբ գլխավոր խնդրի մասին, որը կապված Է Հյուսիսային Իռլանդիայի եւ Իռլանդիայի Հանրապետության սահմանի հետ Եվրամիությունից Մեծ Բրիտանիայի դուրս գալուց հետո, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում