ԱՄՆ-ի նկատմամբ ճապոնացիների վստահությունն ընկել Է մինչեւ ռեկորդային ցածր ցուցանիշ. հարցում
ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ: ԱՄՆ-ի քաղաքականությանը վստահող ճապոնացիների թիվն ընկել Է մինչեւ ռեկորդային ցածր ցուցանիշ: Այդ մասին վկայում են դեկտեմբերի 19-ին հրապարակված հարցման տվյալները, որը հեռախոսով անցկացվել Է ճապոնական Yomiuri թերթի եւ Gallup ամերիկյան սոցիոլոգիական ծառայության կողմից, տեղեկացնում Է «Արմենպրես»-ը:
Ըստ հետազոտության տվյալների, ԱՄՆ-ի քաղաքականության նկատմամբ իրենց վստահության մասին հայտարարել են Ճապոնիայի հարցված քաղաքացիների միայն 30 տոկոսը: Դա, ինչպես նշում Է Yomiuri թերթը, ամենացածր ցուցանիշն Է 2000 թվականից ի վեր նմանօրինակ հարցումների անցկացման ողջ ժամանակաշրջանում: Նրա կարծիքով՝ վստահության անկման գլխավոր պատճառը դարձել Է այն ճնշումը, որը ԱՄՆ-ի նախագահ Դոնալդ Թրամփի վարչակազմը Ճապոնիայի վրա գործադրում Է տնտեսական հարցերում՝ նրանից պահանջելով կրճատել ամերիկյան դեֆիցիտը հեռավորարեւելյան դաշնակցի հետ առեւտրում: Հետազոտության ճապոնացի մասնակիցների 75 տոկոսն այդ կապակցությամբ հայտարարել Է, որ չհիմնավորված Է համարում Վաշինգտոնի նման դիրքորոշումը: Միեւնույն ժամանակ ճապոնացի հարցվածների 64 տոկոսն այն կարծիքին Է, որ Միացյալ Նահանգների հետ ռազմական դաշինքը կարեւոր ավանդ ունի Ասիախաղաղօվկիանոսյան տարածաշրջանի անվտանգության ապահովման գործում:
Հարցումը նոյեմբերի 30-ից մինչեւ դեկտեմբերի 2-ը պատահական ընտրանքի մեթոդով անցկացվել Է ստացիոնար եւ շարժական հեռախոսներով: Ճապոնիայում դրան մասնակցել Է 1036 մարդ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում