ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Հանդիսանալով Հայաստանի նորագույն պատմության կարևորագույն իրադարձությունների ականատեսն ու վավերագիրը՝ «Արմենպրես»-ը մատուցում է անաչառ, հավաստի և օպերատիվ տեղեկատվություն՝ լրատվական դաշտում սահմանելով գործունեության բարձր նշաձող:

Այս մասին նշված է ՀՀ  պետական եկամուտների կոմիտեի շնորհավորանքում՝ «Արմենպրես» պետական լրատվական գործակալության 100-ամյակի առթիվ:

«Հայաստանի Հանրապետության պետական եկամուտների կոմիտեի ողջ անձնակազմի անունից ջերմորեն շնորհավորում ենք «Արմենպրես» պետական լրատվական գործակալության մեր գործընկերներին՝ հիմնադրման մեկդարյա հոբելյանի առթիվ: Հանդիսանալով Հայաստանի նորագույն պատմության կարևորագույն իրադարձությունների ականատեսն ու վավերագիրը՝ «Արմենպրես»-ը մատուցում է անաչառ, հավաստի և օպերատիվ տեղեկատվություն՝ լրատվական դաշտում սահմանելով գործունեության բարձր նշաձող:

Պրոֆեսիոնալ կադրերի նվիրված և հետևողական աշխատանքի շնորհիվ «Արմենպրես»-ը ծանրակշիռ ավանդ ունի համահայկական հիմնախնդիրների և կարևոր իրադարձությունների լուսաբանման ու հանրահռչակման գործում: Ձեռքը պահելով  Հայաստանի երեք հանրապետությունների պատմության զարկերակին՝ գործակալությունը կուտակել է հարուստ ժառանգություն, հսկայական փորձ և ներուժ: Քայլելով ժամանակին  համընթաց՝ «Արմենպրես»-ն ուրույն ձեռագրով առանձնանում է լրատվական դաշտում՝ հայաստանյան և միջազգային հանրությանն ապահովելով ճշգրիտ ու համակողմանի տեղեկատվությամբ: Հարյուրամյա կենսագրությունը հիանալի առիթ է Հայաստանի պատմության մեջ «Արմենպրես»-ի բացառիկ դերակատարումն արձանագրելու և ըստ արժանվույն գնահատելու համար:

Կրկին շնորհավորում ենք մեր գործընկերներին ՝ մաղթելով  երկար տարիների բեղմնավոր գործունեություն և նորանոր ձեռքբերումներ»,-նշված է շնորհավորանքում: