ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Դոնալդ Թրամփը որոշել Է չմասնակցել Բրազիլիայի նախագահ ընտրված Ժայիր Բոլսոնարուի պաշտոնակալման արարողությանը, որը կայանալու Է 2019 թվականի հունվարի 1-ին: Այդ մասին, ինչպես տեղեկացնում Է «Արմենպրես»-ը, դեկտեմբերի 18-ին հայտնել Է CBS հեռուստաընկերությունը՝ վկայակոչելով Սպիտակ տան ներկայացուցիչներին:

Նրանց խոսքով՝ «Թրամփն արարողությանը մեկնող նախագահական պատվիրակության ղեկավար Է նշանակել պետքարտուղար Մայքլ Փոմպեոյին»: Պատվիրակության կազմում ընդգրկված են նաեւ Մաուրիսիո Կլավեր-Կարոնեն, որը Լատինական Ամերիկայի հետ հարաբերություններն Է ղեկավարում Սպիտակ տանն առընթեր Ազգային անվտանգության խորհրդի աշխատակազմում, եւ Զարգացման միջազգային գործակալության տնօրեն Մարկ Գրինը: Բոլսոնարուն, որը ներկայացնում Է պահպանողական Սոցիալ-լիբերալ կուսակցությունը, հաղթանակ Է տարել նախագահական ընտրությունների երկրորդ փուլում, որը տեղի Է ունեցել հոկտեմբերի 28-ին: Նա հրապարակավ հույս Է հայտնել, որ Թրամփը կժամանի Բրազիլիայի մայրաքաղաք՝ ներկա լինելու իր պաշտոնակալման արարողությանը, հաղորդել Է ՏԱՍՍ-ը: