«Լուսավոր Հայաստան» կուսացկությունը շնորհավորել է «Արմենպրես»-ի 100-ամյակը
ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: «Լուսավոր Հայաստան» կուսակցությունը շնորհավորել է «Արմենպրես» պետական լրատվական գործակալությանը հիմնադրման 100-ամյակի կապակցությամբ:
Շնորհավորանքում, մասնավորապես, ասված է.
«Հարգելի «Արմենպրես» լրատվական գործակալություն,
Լուսավոր Հայաստան Կուսակցությունը սրտանց շնորհավորում է Ձեզ հիմնադրման 100-ամյակի կապակցությամբ։
Մենք վստահ ենք՝ որպես Հայաստանի Առաջին Հանրապետության առաջին պետական լրատվական գործակալություն, դուք ձեր ուրույն և կարևոր դերակատարումն եք ունեցել անկախ Հայաստանի մամուլի զարգացման գործում։
Մաղթում ենք անխափան, ակտիվ գործունեություն և նորանոր ստեղծագործ լուսաբանումներ։
Հարգանքով՝ Լուսավոր Հայաստան Կուսակցություն»:
«Արմենպրես»-ը հիմնադրվել Է 1918 թվականի դեկտեմբերի 18-ին, երբ Հայաստանի առաջին հանրապետության Ազգային Խորհրդի որոշմամբ ստեղծվեց նախադեպը չունեցող պետական լրատվական` Հայկական հեռագրական գործակալությունը: Ներկայում «Արմենպրես» լրատվական գործակալությունը գործում է որպես փակ բաժնետիրական ընկերություն, որի բաժնետոմսերը տնօրինում է Հայաստանի Հանրապետությունը: Գործակալությունն ամենահինն է Հայաստանում: Ներկա դրությամբ այն թողարկում է մի շարք լրատվական ժապավեններ` պաշտոնական, քաղաքական, տնտեսական, հասարակական, մարզային, տարածաշրջանային, միջազգային, մշակութային, մարզական, հարցազրույցներ, ֆոտո նորություններ:
Նորայր Շողիկյան
Բաժանորդագրվեք մեր ալիքին Telegram-ում