ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Հյուսիսային Կորեայի հազարից ավելի քաղաքացիներ են Հարավային Կորեա փախել 2018 թվականի սկզբից ի վեր: Այդ մասին, ինչպես տեղեկացնում Է «Արմենպրես»-ը, հայտնել Է «Ռյոնհապ» գործակալությունը՝ վկայակոչելով միավորման գործերի հարավկորեական նախարարությունը:

Գերատեսչության տվյալներով՝ այս տարվա հունվարից մինչեւ նոյեմբեր Հարավ են փախել 1042 հյուսիսկորեացիներ: Այդ ցուցանիշը համադրելի Է անցյալ տարվա հետ, երբ համապատասխան ժամանակաշրջանում Հարավային Կորեա Էր փախել 1045 մարդ: «Այն պահից, երբ Կիմ Չեն Ունը իշխանության եկավ 2012 թվականին, ամեն տարի հազարից մինչեւ 1,5 հազար հյուսիսկորեացիներ են փախչում Հարավ»,-ասել Է հարավկորեական գերատեսչության ներկայացուցիչը: Նախարարության տեղեկատվության համաձայն, այս տարվա նոյեմբերի դրությամբ ԿԺԴՀ-ից այն փախածների ընդհանուր թիվը, որոնք ներկայում ապրում են Հարավային Կորեայի տարածքում, հասել Է 32,3 հազարի, հաղորդել Է «Ինտերֆաքս»-ը: