Թուրքիայում ծնված սիրիացի ներգաղթյալները Թուրքիայի քաղաքացիություն կստանան
18:26, 17 Դեկտեմբեր 2018
ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիան իր երկրում ծնված սիրիացի ներգաղթյալների 380 հազար երեխաների պատրաստվում է քաղաքացիություն շնորհել: Ինչպես հաղորդում է «Արմենպրես»-ը, այս մասին հայտարարել է Թուրքիայի ներքին գործերի նախարար Սուլեյման Սոյլուն:
«Մեր երկրում ծնվել է 380 հազար սիրիացի երեխա: Աստծո կամքով, եթե խորհրդարանը օգնի այս գործին, կկարողանանք նրանց քաղաքացիություն շնորհել»,-ասել է Սոյլուն:
Նախարարը նշել է, որ արդեն քաղաքացիություն է ստացել 36 հազար սիրիացի ներգաղթյալ, որոնցից 28 հազարն ունի ընտրելու իրավունք:
Բաժանորդագրվեք մեր ալիքին Telegram-ում