Հայտարարվել Է աշխարհում ամենաարագ վերելակն ունեցող երկնաքերը
ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Lotte World Tower երկնաքերը, որը ամենաբարձր շենքն Է Հարավային Կորեայում եւ բարձրությամբ հինգերորդը՝ աշխարհում, նվաճել Է նոր՝ աշխարհում ամենաարագ վերելակն ունեցող շենքի տիտղոսը: Ինչպես հայտնել Է Business Insider-ը, վերելակը շենքի առաջինից մինչեւ 121-րդ հարկը բարձրանում Է ընդամենը մեկ րոպեում, տեղեկացնում Է «Արմենպրես»-ը:
Նշվում Է, որ շենքը բացարձակապես անվտանգ Է. կառույցի «կմախքը» դիմանում Է մինչեւ 9 բալ մագնիտուդով երկրաշարժի եւ կարող Է դիմակայել նույնիսկ այնպիսի փոթորիկների, ինչպիսին ԱՄՆ-ի հարավ-արեւելքը ոչնչացրած «Քեթրին» փոթորիկն Է: Ընդամենը շենքը բաղկացած Է 123 հարկից եւ ունի 42 հազար պատուհան: Աշտարակը Սեուլի զբոսաշրջության տեսարժան վայրերից մեկն Է: Նշվում Է, որ նոր տիտղոսին արժանանալուց հետո ամեն տարի ճարտարապետական այս օբյեկտ կայցելի առնվազն 60 մլն մարդ:
Բաժանորդագրվեք մեր ալիքին Telegram-ում