Ռուսաստանում կալանավորների թիվը հասել Է պատմական նվազագույնին
12:06, 14 Դեկտեմբեր 2018
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանում կալանավորների թիվը վերջին 25 տարվա ընթացքում հասել Է պատմական նվազագույն ցուցանիշին: Այդ մասին, ինչպես տեղեկացնում Է «Արմենպրես»-ը, «Ինտերֆաքս»-ին հայտնել են Պատիժների կատարման ֆեդերալ ծառայության մամուլի բյուրոյում:
Գերատեսչության տվյալներով՝ գաղութներում կա 467 հազար մարդ: «Ռուսաստանի նորագույն պատմության մեջ սա պատիժը կրող դատապարտյալների ամենափոքր թվաքանակն Է»,- հավելել են ֆեդերալ ծառայությունում: Մամուլի բյուրոյում ճշտել են, որ 2013 թվականի սկզբին գաղութներում, բանտերում եւ բուժական ուղղիչ հիմնարկություններում եղել Է 588 հազար դատապարտյալ, 2017 թվականին՝ 523 հազար, իսկ 2018 թվականի սկզբին՝ արդեն կես միլիոնից պակաս:
Բաժանորդագրվեք մեր ալիքին Telegram-ում