Իռլանդիայի խորհրդարանը հավանություն տվեց աբորտներն օրինականացնող օրինագծին
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Իռլանդիայի խորհրդարանը հավանություն Է տվել այն օրինագծին, որը թույլատրում Է հղիության արհեստական ընդհատումը: Այդ մասին, ինչպես տեղեկացնում Է «Արմենպրես»-ը, հայտնել Է Irish Times թերթը: Մայիսին այս հարցն Իռլանդիայում դրվել Էր հանրաքվեի:
Չնայած այն բանին, որ կաթոլիկ Իռլանդիայում խնդրի նկատմամբ վերաբերմունքն ավանդաբար եղել Է պահպանողական, աբորտների օրինականացման օգտին այն ժամանակ արտահայտվեց քվեարկողների 66,4 տոկոսը, իսկ դեմ՝ սոսկ 33,4 տոկոսը: Նոր օրենքի համաձայն՝ Իռլանդիայի բնակչուհիները կարող են անարգել աբորտ անել մինչեւ հղիության 12 շաբաթը չգերազանցող ժամկետը: Այդ ժամկետից հետո հղիությունը կարելի Է դադարեցնել միայն բժշկական ցուցումներով. մասնավորապես, եթե գոյություն ունի կնոջ կյանքի կամ առողջության սպառնալիք, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում