Ժամանակը Երևանում՝ 11:07:36,   17 Հունվար

Տեղի է ունեցել Արցախի ԱԳՆ նոր պաշտոնական կայքէջի և Արցախի մասին պատմող ֆիլմի շնորհանդեսը


ԵՐԵՎԱՆ, 13 ԴԵԿՏԵՄԲԵՐԻ, ԱՍՏԵՓԱՆԱԿԵՐՏ: Դեկտեմբերի 13-ին Արցախի Հանրապետության ԱԳՆ-ում կայացել է գերատեսչության նոր պաշտոնական կայքէջի շնորհանդեսը, որին հրավիրվել էին Արցախի քաղաքացիական հասարակության և ԶԼՄ-ների ներկայացուցիչներ։ 

Ինչպես «Արմենպրես»-ին տեղեկացրին ԱՀ ԱԳՆ տեղեկատվության եւ հասարակայնության հետ կապերի վարչությունից,  միջոցառմանը բացման խոսքով հանդես եկավ Արցախի Հանրապետության արտաքին գործերի նախարար Մասիս Մայիլյանը, այնուհետև ԱԳՆ տեղեկատվության և հասարակայնության հետ կապերի վարչության պետ Արտակ Ներսիսյանը ներկայացրել է կայքէջի կառուցվածքն ու բովանդակությունը։

Կայքէջը ստեղծվել է վերջին տեխնոլոգիաների կիրառմամբ, որի բովանդակությունը առայժմ հասանելի է երեք լեզուներով՝ հայերեն, ռուսերեն և անգլերեն։ Կայքէջում համապարփակ տեղեկատվություն է ներկայացված Արցախի Հանրապետության, ԱԳՆ և արտերկրում գործող Արցախի մշտական ներկայացուցչությունների գործունեության, ինչպես նաև արտաքին քաղաքական առաջնահերթությունների, այդ թվում՝ Արցախի Հանրապետության միջազգային ճանաչման և միջազգային կապերի զարգացման մասին։ Կայքէջում զետեղված են նաև ադրբեջանա-ղարաբաղյան հակամարտության կարգավորմանը վերաբերող փաստաթղթեր։

Միջոցառման երկրորդ մասում կայացել է Արցախի ԱԳՆ հեղինակած՝ «Արցախ․ պատմություն և հակամարտություն» խորագիրը կրող տեսաֆիլմի ցուցադրությունը։ Այն հիմնականում պատրաստված է արտաքին լսարանի համար և  հասանելի է երկու լեզուներով՝ ռուսերեն ու անգլերեն։




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ