Մադուրոն հայտարարել է, որ ԱՄՆ ծրագրում է սպանել իրեն և Վենեսուելայում հաստատել դիկտատուրա
21:51, 12 Դեկտեմբեր 2018
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Վենեսուելայի նախագահ Նիկոլաս Մադուրոն ԱՄՆ նախագահի ազգային անվտանգության հարցերով օգնական Ջոն Բոլթոնին մեղադրել է իրեն տապալելու և սպանելու ծրագրեր մշակելու մեջ: Ինչպես փոխանցում է «Արմենպրես»-ը, վկայակոչելով ՏԱՍՍ-ը, այդ մասին Մադուրոն նշել է Կարակասում տեղի ունեցած մամուլի ասուլիսի ընթացքում:
«Պարոն Բոլթոնը նշանակվել է պետական հեղաշրջում կազմակերպելու, Նիկոլաս Մադուրոյի սպանությունը և անցումային կառավարություն ստեղծելու ծրագրի պատասխանատու»,- ասել է Մադուրոն: Նրա կարծիքով՝ այդ նպատակների իրականացման նպատակով Բոլթոնը կապ է պահպանում վենեսուելացի ծայրահեղ աջերի հետ, ինչպես նաև «Կոլումբիան վերածել է այդ հիմար և ատելությամբ լի օպերացիաների իրականացման բազայի»:
Բաժանորդագրվեք մեր ալիքին Telegram-ում