Դեկտեմբերի 13-ին սպասվող իրադարձությունները
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ դեկտեմբերի 13-ին, Նախատեսված է ՀՀ կառավարության նիստը: Այն կվարի ՀՀ վարչապետի պաշտոնակատար Նիկոլ Փաշինյանը:
Ի՞նչ խախտումներ են գրանցել քրեակատարողական հիմնարկներում: Հրավիրված մամուլի ասուլիսում հասարակական վերահսկողություն իրականացնող դիտորդները, Արդարադատության նախարարության ներկայացուցիչները կանդրադառնան թեմային:
Այսօր Երևանի ընդհանուր իրավասության դատարանի Նոր Նորքի նստավայրում կկայանա ՀՀ նախկին փոխվարչապետ Արմեն Գևորգյանին կալանավորելու վերաբերյալ ՀՔԾ-ի միջնորդության քննությունը:
Լրագրողների հետ կհանդիպեն «Ավտովարորդների պաշտպանության լիգայի» նախագահ՝ Տիգրան Հովհաննիսյանը և մի խումբ ավտոներկրողներ: Նրանք կբարձրաձայնեն ավտոներկրելու գործընթացի հետ կապված խնդիրները:
Հայկական բարեգործական ընդհանուր միությունում կանցկացվի մրցանակաբաշխություն: Կամփոփվեն «Հանրային հայացք փակ աշխարհին. «Մարդու իրավունքների իրավիճակը փակ հաստատություններում» և «Վատ վերաբերմունքից զերծ մնալու իրավունքի վիճակը» թեմաներով լրագրողական մրցույթների արդյունքները:
Դեկտեմբերի 13-ին «Մոսկվա» կինոթատրոնում պրեմիերա է: Էկրաններին կներկայացվի առաջին մանկական ամանորյա հեքիաթ ֆիլմը՝ «Ձյունանուշ»-ը: Հրավիրված մամուլի ասուլիսում ռեժիսորը, դերասանները կներկայացնեն մանրամասներ ֆիլմի վերաբերյալ:
Այս և այլ թեմաների մասին կարող եք մանրամասն ընթերցել armenpress.am կայք էջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում